| 宮崎峻筆下既女性真係好勁, 風之谷, 貓之報恩, 魔女托急便, 夢幻街少女, 好多都係女性主導, 天空之城既pazu算係男性中勁既代表 (印象中) 講番崖上的波兒, 海底個男人勁騰雞, 無腦, 無用, 個女海神就好似勁有智慧, 勁有能力, 成個觀音咁
幾乎所有丑角都係男, 例如宗介個阿媽駕車在暴雨中回家時, 有兩個男道路員 (o係有大船經過個位) 叫佢停, 因為大浪危險, 結果個阿媽唔理, 好瀟灑咁過左關
last成班老人家對腳好番上岸, 有個男職員話搵wheelchair比佢地, 班老人家又好瀟灑咁話唔洗, 話佢地d腳好番晒
成間老人院既老人家都係老女人??
又比如老人院停電時, 有個女職員好有義氣咁同宗介阿媽講, 話個阿媽可以走先, 老人院佢地搞得店 (又一個能幹feel既女人)
至於宗介阿媽係好老婆+好母親+有智慧有膽色+好多優點, 相反個阿爸長期在海上工作, 顧唔到家 (雖然都會tum番老婆開心), 而且大海浪個陣, 又係靠女海神先無事
至於主角波兒有超能力, 成日幫宗介... 宗介係好男仔, 真心真意, 有責任感, 不過佢只有5歲, 未係男人, 所以成套movie入面, 可以話無一個能幹既好男人 (水浸後有個bb在木船上喊, 又係波兒tum番佢開心, 相反個bb既老豆 (四眼仔) 明顯係好男人, 不過又係唔算有能力個隻) in general, 波兒e套movie好睇, 畫功極佳, 表情, 景物, 過場... 例如風暴時老人院度自動門壞左, 宗介拉門入去, 見到有個老人家投訴, 個阿母去解釋... 宗介再行入d, 有個護衛拎住燈快步經過... 好多好細微既野... 講畫功, 線條, 畫既角度, 已經win晒 講到成個planet會有事, 係on9既, 多9餘 宗介戴cap hat做船長, 佢老豆又係船長... 日本作為一個島國, navy/航海既地位真係好特別 好想去個島度, 企o係玻上感受下d十級海風, or訓o係草玻上... 正!! d小波兒好得意, 波兒生對腳出黎個陣真係好震撼 (p.s. d小波兒當然係女性, 而d成日攻擊主角既海浪怪明顯係雄性feel) now行過街見到d 小朋友, 好似有d都幾似波兒, 後遺症... |
